"نجمي خفيف"... ممثلة شهيرة تكشف موقفها من الحسد وكيف تبتعد عنه (فيديو)

في حديثها ضمن بودكاست "ع الهادي ف الكلام" مع سالي عبد السلام، كشفت الفنانة دينا فؤاد عن الأسلوب الذي تتبعه لمحاولة درء الحسد عنها.

قالت دينا: "بخاف من الحسد ونجمي خفيف جدًا، في حاجة بعملها مؤخرًا من كتر ما أنا نجمي خفيف أنا أول ما بركب العربية وأنا طالعة لازم أقول المعوذتين ثلاث مرات وبعد كده اقرأ آية الكرسي وبعدها اتحرك، ومحدش ينتقدني وينظر عشان بجد أنا نجمي خفيف عشان عارفة الناس هيطلعوا يهيصوا".

تابعت: "أنا مش بتحسد عشان فنانة كبني آدم ممكن تتحسد عادي لازم نوضح مش عشان تحت الأضواء الحسد مذكور في القرآن هو إحنا هنعترض؟".

يذكر أن دينا فؤاد شاركت في موسم رمضان الماضي بمسلسل "حكيم باشا" وهو من 30 حلقة، من بطولة مصطفى شعبان ورياض الخولي وسلوى خطاب وسهر الصايغ وأحمد فؤاد سليم ومنذر رياحنة وأحمد فهيم ومحمد نجاتي وهاجر الشرنوبي وميدو عادل ويارا قاسم وفتوح أحمد وأحمد صيام وسلوى عثمان.